WVVZAT3 - TRES HET IN 'D EERSTE HELFT TE VEUL TEGEN(WIND)

266 keer bekeken

't Verhoal van TRÈS had 'n specioale mott'n word'n. De ainege echte Winschoter Clasico teeg'n stadsgenoot BATO draaie was 'n affiche woar menig Kelderklasser zien vingers bie oaf zol likk'n. Mor 't laip anders....'t was veul te waarm, nait aalmoal fit, poar op vakansie en leeftiedverschil van twijhonderdvaar'ndattig joar as je 't optell'n. De Batauwers haarn doarbie nog de Sodommer Usain Bolt mitnoom'n om roodzwaart zeer te doun. Dizze HoazeWINDhond was allenneg al net zo goud as TRÈS en mokte veur rust een vrachtkarre aan goals. Veur de thoesclub wast mor goud dat dizze roadrunner de twijde helfte nog aan zien hoeswaark mos, aans haar TRÈS mit dubbele ciefers aan de koker kreeg'n.

Dat ain zoon snelle puber 't verschil kin mokk'n geft speuler/manager Mark Plinsinga te denk'n. "Tja, die boys komen net uit de jeugd en denken dat ze allemaal een Messi zijn. Ooit zullen deze boys ook echte Kelderklassers worden. Maar voorlopig zijn ze fit en wilden niet op het slachtbankje van TRÈS worden gelegd". De Scheemter dij altied lacht proat zo beroerd Grunnegs dat zien tekst gewoon in't Nederlands is vertoald.

De twaaide helfte was 't nog aal bloudhoit, mor bie de jonkies, nou zunder HoazeWINDhond, wadd'n d'r ook al 'n poar mit lekker koppakk'ns. TRÈS, dat toun eem goud speulde, haar eem te waineg tied om de roeme achterstand in te hoal'n. Toun d'r oaffloot'n wer, wast 3-5 veur de jonkjes van Over 't spoor en ze kreeg'n 'n dikke doeme van elk en ain.

Mor...Mor.. wat as dij HoazeWINDhond vandoage in de schieterij west was? Den haar ik 't nog wel eem will'n ze in.

Nou moi....